سه‌میره‌ محه‌مه‌د:
شه‌ڕى ناوخۆى نێو رێكخراوه‌كانى ژنان ئه‌وپه‌ڕى نابه‌رپرسیاره‌تییه‌

بوونى بزووتنه‌وه‌ى ژنان و چۆنێتى دروستبوونى ئه‌و بزووتنه‌وه‌یه‌ و ره‌وشى رێكخراوه‌كانى ژنان له‌ روكه‌ش و واقیعدا ته‌وه‌رى سه‌ره‌كى ئه‌و دیمانه‌یه‌یه‌ كه‌ شه‌قام له‌گه‌ڵ (سه‌میره‌ محه‌مه‌د) رۆژنامه‌نووس و چالاكوان له‌ بوارى مافه‌كانى ژناندا سازیداوه‌.

دیدارى تایبه‌ت به‌ (شه‌قام):

شه‌قام: ده‌توانین بڵێین له‌ كوردستان بزووتنه‌وه‌یه‌ك هه‌یه‌ به‌ناوى بزووتنه‌وه‌ى ژنان؟

وه‌زاره‌تێكمان هه‌بوو نه‌مانتوانى وه‌ك پێویست به‌ڕێوه‌ى به‌رین

كۆمه‌ڵگه‌ به‌ به‌رده‌وامى له‌ دوژمنایه‌تییه‌ له‌گه‌ڵ رێكخراوه‌كانى ژناندا

كاتیش ئه‌وانه‌ى ئه‌كه‌ونه‌ ناو ئه‌و جۆره‌ گه‌مانه‌وه‌ ئه‌و خه‌ڵكانه‌ن كه‌ ئاستى به‌رپرسیارێتیان به‌رز نییه‌ به‌رامبه‌ر به‌ مافه‌كانى ژنان, چونكه‌ ئه‌گه‌ر هه‌ر كه‌سێك هه‌ر كادیرێكى رێكخراوه‌یى رۆژێك له‌رۆژان كه‌یسێك چووبێته‌ لاى ئه‌وه‌ ویژدانى ده‌جوڵێت نه‌كه‌وێته‌ ناو ئه‌و گه‌مانه‌وه‌, ئێمه‌ بینیمان زۆرجار دوو ژنى دوو رێكخراوى جیاوازى ژنان سه‌رقاڵ ده‌كه‌ن, بۆ ئه‌وه‌ى بكه‌ونه‌ ناو شه‌ڕى راگه‌یاندن له‌به‌رامبه‌ر یه‌كتریه‌وه‌, ره‌نگه‌ ئه‌و سه‌رقاڵكردنه‌مان بۆ ئه‌وه‌ بێت, بیانه‌وێت مه‌سه‌له‌یه‌ك تێپه‌ڕێنن تا به‌ زه‌ره‌ر له‌سه‌ر كێشه‌ى ژن بكه‌وێته‌وه‌. كه‌واتا دروستكردنى كه‌لێن له‌ڕێگه‌ى ئه‌و قسه‌وقسه‌لۆكه‌وه‌ كه‌ له‌ ئاستى خه‌ڵكى دیارى ناو رێكخراوه‌كاندا ده‌كرێت, ده‌لاله‌ته‌ بۆ ئه‌وه‌ى كه‌ هێزێك هه‌یه‌, ده‌یه‌وێت ئه‌م هێزه‌ له‌ ئه‌گه‌رى دروستبوونى بووه‌ستێنێ و بیباته‌وه‌ بۆ قۆناغى دواتر و پاشه‌كشه‌ى پێبكات, چونكه‌ بوونى ئه‌و مه‌ترسییه‌ له‌سه‌ر ئه‌و. 
شه‌قام: چاره‌نووسى ژنى كورد به‌كوێ ده‌گات؟ ئایا ئاسۆى بزووتنه‌وه‌یه‌ك ده‌ركه‌وتووه‌ تا ژنى كورد له‌م میحنه‌ته‌ رزگار بكات؟
سه‌میره‌ محه‌مه‌د: بۆ دروستبوونى بزووتنه‌وه‌ى ژنان كۆمه‌ڵێك پێوه‌ر هه‌یه‌. یه‌كه‌م شت وه‌لانانى ئه‌و هه‌موو ناكۆكى و جیاوازیانه‌ى كه‌ پێمانوایه‌ جیاوازیه‌. دووه‌م شت پێداچوونه‌وه‌ به‌و په‌یامه‌ى كه‌ بۆى دروستبووین, زۆرجار بینیومانه‌ رێكخراوه‌كانى ژنان له‌ دانیشتنێكیانه‌ بیریان ئه‌چێته‌وه‌ خۆیان بۆچى دروستبوون. دووه‌م پێداچوونه‌وه‌ بۆ ئامانجى دروستبوون و ئه‌و په‌یامه‌ى كه‌ پێى دروستبوون. سێهه‌مین شت كۆڵنه‌دان و داكۆكیكردن و جه‌ساره‌ت نواندن له‌به‌رامبه‌ر هه‌موو ئه‌و شه‌ڕانه‌ى كه‌ له‌ كۆمه‌ڵگه‌ ئه‌خوڵقێت. چواره‌میش دانانى پرنسیپى گه‌وره‌ كه‌ وه‌كو په‌یمانێكى شه‌ڕه‌ف وا بێت له‌نێوان ئه‌و كه‌سانه‌ى كه‌ بۆ یه‌ك ئامانج دروستبوون, له‌به‌ر ئه‌وه‌ى ئێمه‌ ئه‌وانه‌مان نییه‌ كه‌ ئه‌شكرێت هه‌مان بێت, ده‌توانین بڵێین ئێمه‌ ئاسۆمان هه‌یه‌, چاره‌نووسى ژنى كورد ناكرێ ئێمه‌ له‌بارى ببه‌ین, ئه‌گه‌رچى هه‌نگاوى باش نراوه‌, به‌ڵام هه‌نگاوه‌كانمان زیاتر به‌ره‌و دواوه‌ رۆشتووه‌, ناتوانین ژنى كورد نائومێد بكه‌ین, به‌ تایبه‌تى ئه‌و كه‌سانه‌ى هه‌ست به‌ به‌رپرسیارێتى ئه‌كه‌ن, لێره‌ و له‌وێ ژماره‌یان كه‌مه‌, هه‌ندێك ژن هه‌یه‌ به‌ مه‌بده‌ئى كار ده‌كه‌ن, ئێمه‌ دڵمان به‌وانه‌ خۆشه‌ ئه‌وانه‌ش جێ ده‌ستیان دیاره‌, ئه‌گه‌ر ئێستا دانى پیانه‌نرێ له‌ داهاتوودا ده‌رده‌كه‌وێ, دڵنیام ئه‌و ژنانه‌ى له‌ رێكخراوه‌كان و له‌ ده‌ره‌وه‌ى رێكخراوه‌كان به‌ مه‌بده‌ئى بۆ پرسى ژن كار ناكه‌ن, به‌رى كارى ئه‌وان درێژ نابێت و كۆمه‌ڵگه‌ جێیانده‌هێڵێ و ئه‌وان ده‌بنه‌ به‌شێك له‌ كۆمه‌ڵگه‌ى دواكه‌وتوو و خه‌ڵكى پێشكه‌وتوو جێیان ده‌گرنه‌وه‌. نابێ بیرمان بچێت بارى ژنى كورد زۆر خراپه‌, به‌ڵام ژنانیش هۆشیار بوونه‌ته‌وه‌ به‌ ئاستى ئه‌وه‌ى هه‌ست به‌و به‌پرسیارێتییه‌ بكه‌ن, هه‌ندێكیان خۆیان بڕۆن و به‌شدار بن له‌و پرۆسه‌یه‌ى كه‌ پێى ده‌ڵێن پرۆسه‌ى داكۆكیكردن وبه‌ره‌وپێش بردنى ره‌وشى ژن, چاره‌نووسى ژنى كورد ئێستا له‌ مه‌ترسیدایه‌, به‌ڵام له‌ داهاتوودا ده‌بێ كار بكه‌ین و ئاسۆى پێببه‌خشین, ژماره‌ى رێكخراوه‌كان زیاد ده‌كات و خه‌ڵكى مه‌بده‌ئیمان كه‌م ده‌كات, یاساكانمان باش ده‌ڕۆن, به‌ڵام جێبه‌جێكارى یاساكانمان له‌ خۆوه‌ و به‌ مه‌زاجى كار ده‌كه‌ن, خه‌ڵكانێكمان هه‌یه‌, به‌ناوى ژنه‌وه‌ كارده‌كه‌ن و خه‌ڵكانێكى زۆریش هه‌ن له‌ مه‌یدان كار ده‌كه‌ن و كاره‌كانیان ده‌فه‌وتێت و دڵسارد ده‌بنه‌وه‌, ئه‌وانه‌ له‌وانه‌یه‌ زۆرجار وڵات جێبێڵن, ئێستا نیگه‌رانى هه‌یه‌, ئه‌گه‌ر نیگه‌رانیش نه‌بێت هه‌وڵى گه‌وره‌ دروست نابێت.

سه‌میره‌ محه‌مه‌د:
*ساڵى (1980) له‌ سلێمانى له‌دایكبووه‌، *هه‌ڵسوڕاو له‌ بوارى كۆمه‌ڵگه‌ى مه‌ده‌نى و ڕێكخه‌رى گروپى (19) بۆ به‌ده‌ستهێنانى زانیارى و ئه‌ندام له‌ چه‌ندین تۆڕى تایبه‌تى رێكخراوه‌كانى ژنان و چه‌ندین كارى دیكه‌، *رۆژنامه‌نووس و چالاك له‌ بواره‌كانى ژنان.